حملة “هو راجل كده كده” بتسلّط الضوء على فكرة منتشرة في المجتمع المصري، وهي إن الرجولة مرتبطة بالكتمان وعدم إظهار المشاعر. لكن مع زيادة الوعي بالصحة النفسية، بقى في تساؤل مهم: هل ده فعلًا هو المعنى الحقيقي للرجولة؟
الحملة أطلقها طلاب إعلام بجامعة MSA: محمد أسامة، مريم محمود، ونورهان عبده، وتحت اشراف دكتور رانيا شعبان و ودكتور نادين سعد. بهدف توضيح إن التعبير عن المشاعر مش ضعف، بل جزء طبيعي من حياة أي إنسان.
ومن خلال أمثلة بسيطة من الواقع، بتوضح إن من الطبيعي إن الراجل يحزن، يعبّر عن ضغطه، أو يطلب دعم من اللي حواليه من غير خوف من الأحكام.
الحملة بتستهدف فئة الشباب، وبتحاول تفتح مساحة آمنة للحوار، وتقدم نظرة أكثر توازنًا وإنسانية لمعنى الرجولة.
وفي النهاية، بتطرح سؤال مهم:
هل الرجولة في الكتمان؟ أم في القدرة على التعبير؟ 🤔
